Pei sempet shitak amshi asü masü-ar kibubai tendanger

Kibur                 : Nenok ajak sempet kuli shiang?
Nebener Tebu : Kibuba, ni ne o nung aliba ajak atalokja soyapokya rendaktsüogo
Kibur                 :     Na kechiba yimdong zü ama  tapok ajungai tetsüng ayaok? Aser pei chir  mezüngdangtet soyapokya asü, saka nai kenyongi mazüok nung  koda?
Sangremer       :     Kibur, ni  taküm piyong aibelen mesüi tang tashi arudar.
Kibur                 :     Na kechiba mori ka agütsüba kilir mesüka ne sempet mamshi nai dang bener senzür? Na tashi manga  chir !
Chitentsür        :     Kibur nibo nai ashiba dak alia rendaktsüogo, khen khenbo jakrep ang masü, asem tashia mebua alima süngdaktsüogo.
Kibur                 :     Na tali tapong!! Kechiba nai nübuba  asü tangar tebur  mebendangteti jana pongdang tulu ama tanguba ajunga agizük?? Na kümdangang.
Amitsür            :     Kibuba!!! Ni ama tangar tasüngtet tetsür shiba aliaka?
Kibur                 :     Na meshidak!! Kechiba nai ne sempet kodanga mamshi?
Amitsür            :     Kibur ne Eden tsüki nung Evalai achiba ama atsü tiyong nung aliba süngjang dak khenü danga mekongshi nung koda!! Süra Evala kena shiba shidak, shiba tai???

Lilir : I. Kilang Ajem, Indisen, Dimapur.