Pele Subroto Cup final nung aden

New Delhi, October 16 (Agencies): Football asayar mongin, Brazil nunger Pele-i India semdangbaren tembanga tanü Delhi nung asayaba Subroto Cup tebur Under-17 asayamong final asaya nung denogo.
Tanü final asaya tenzükba jakdang Indian Air Force jeep gari ka tesülen nokdaker asayadak lunga jaja nüburtem tsürademdaktsüba den külemi, Pele-i tanü final asaya akokba telok, All India Football Federation (AIFF) nem takok marok agüja liasü.
AIFF teloki goal 4-1 agi Little Angels Paradise School, Thoubal, Manipur telok final asaya nung tsükdaktsü.
India semdangtsü tenzüka tan October ita 11 nü Kolkata yimti tonga aosang, Pele-i par Brazil linük bushia asüng, Honibar anepdang ayamesotsü sentong renema lir.