Pensioner tem Physical verification anogo sangdonger

Tanü Treasury ketdangser sangdong ka ajanga Senior Treasury office Dimapur nungi ita shia itasen agizüker pensioner tem, Treasury temzüng kübok 2018 atema Physical verification Mongputeni/October 15 nü nungi tenzüka akatsü Pensioner2metetdaktsüogo. Department inyakyim nung mekongshitsü aser pensioner tem nem timtem magütsütsü nükjidong nung pensioners serial number asadanger anogo lemsatsüogo.
Anungji iba dak sendakba nung pensioner ajak dang parnok indang pei tata anogo nung P.P.O. Book & attend verification, personal copy bener arutsü asoshi metetdaktsü. Maneni 2018 küm asoshi iba ya tatembangbuba verification inyakyim asütsü. Verification nung arua medentetertem indang pension case ya shibangadokba ama züngshitsü aser verification tembangba sülen A.G. Nagaland nem agütsütsü, ta Sr. Treasury Officer Dimapur sangdong ka ajanga metetdaktsü.

Anogotem yamai alitsü:

 

You must be logged in to post a comment Login