People’s Democratic Front-i Meghalaya BJP aitsür

Shillong, October 4 (Agencies): Meghalaya ya political party shinga meyong masü ta People’s Democratic Front (PDF)-i Meghalaya BJP aija jembiogo.
“Meghalaya ya political party shinga meyong masü. State sorkari abenba schemes aser projects ji Centre nungi state dangi arutsüla” ta PDF lennir aser Urban affairs minister Hamletson Dohling-i ashi.
PDF aser BJP teloktem ya NPP-i aniba Meghalaya Democratic Alliance (MDA) sorkar nung dena lir.
Meghalaya atema central schemes ajak Centre sorkari magizükdang tamasa state BJP den asüngdangyatsüla ta BJP MLA Sanbor Shullai-i olen ka jembiba atema Dohling-i iba o meyiptsü.
Shullai-i BJP candidate Joshua Warjri atema nüboyimtsüdang iba o jembi. Warjri ya Shella Assembly constituency indang by-election nung tokteper.
Central schemes mapa küma inyaktsü aser senji nisung kar keti maotsü atema Monitoring and Implementation committee ka tentettsüla ta Shullai-i ashi.
Shullai-isa Shella constituency nung alirtem dang BJP candidate nem vote enokjang kechiyong constituency atema senotsü teyariji Delhi nungi indangindanga arutsü ta metetdaktsü.
“Lennirtemi terenlok tenüng amer nübortem mashioktsütsüla,” ta Dohling-i ashi.
Iba by-election nung PDF-ia Mosjo Wanswet toktepdaktsür.
Taoba Assembly speaker aser MLA Donkupar Roy asüba ajanga Shella constituency nung by-election agitsüsa akümer.
NPP-i Roy’er jabaso tambusang Balajied Synrem pusemer. Pa ya United Democratic Party (UDP) indang candidate lir.