‘People’s Minister’ den asüpila sentong agi

New Delhi, August 7 (Agencies): Tanü Lodhi Road crematorium nung taoba external affairs minister Sushma Swaraj den state funeral agiogo.
La den asüpila sentong nung Prime Minister Narendra Modi, BJP president Amit Shah aser BJP lennir tejen Lal Krishna Advani nungertemi tepila o jembi.
Taoba mapang Swaraj-i Leader of Opposition inyakba den Delhi nunga chief minister inyakogo aser tanü electric crematorium nung la indang mang rongdok.
Bhutan Prime Minister Tshering Tobgay den National Democratic Alliance (NDA) aser opposition lennirtem aika iba sentong nung aden.
Sushma Swaraj ya Mongulbar aonung 11:00 ako meta asü. La arishi küm 67 tain lir. Yasüng la temulungjang nung timtem ka adokba sülen 9:30 ako meta la AIIMS-i anir ao aser emergency ward nung anepalutsü aniok.
Centre-i Jammu & Kashmir nung Arrla 370 agienba atema Mongulbar nikongtsütsü Swaraj-i Twitter ajanga Modi nem tenüngsang agüja liasü.
Tanü la den asüpila sentong nung Delhi Chief Minister Arvind Kejriwal, Assam Chief Minister Sarbananda Sonowal, Union minister tem- Rajnath Singh Harsh Vardhan aser Ashwini Kumar Choubey, BJP working president JP Nadda aser New Delhi MP Meenakshi Lekhi nungertem aden.
Congress lennir tejentem- Anand Sharma, Ghulam Nabi Azad aser Rajasthan Chief Minister Ashok Gehlot nungertema iba sentong nung aden.