Peren DC den tepila sentong agi

Dimapur, Chiteni/July 4 (TYO): Peren Deputy Commissioner Sarita Yadav IAS den tepila sentong July 4, 2019 nü New DC Complex, Conference Hall nung agiogo.
Sarita Yadav-i o jembiba mapang, officer aser district nung la kübok inyaker ajak, lokti tentet balala, kaketshir lokti tentet aser nüburtem dang la den tepila sentong nung aru adenba atema pelaba lemsatep. DC ama inyakba mapang la den mapa ajak nung teka amteper inyakba atema lai officers ajak dang pelaba lemsatep.
DC tasenba Sentiwapang Aier NCS-i pa pelashishia agizükba atema District Administration, DPDB, Offices tekolaktem, lokti tentet aser NGO balala dang pelaba metetdaktsüba den, DC Sarita Yadav IAS ya takok tajung anguba nübu ka lir aser la tsüngsü nung pai anidaktettsü imlaba lemsatep.
Iba sentong ya Albert Ezung ADC Peren lenisüba kübok aka aser DB Peren-i sobaliba ken tajung ka tena liasü. Sentong nung ojembirtem rongnung Vejoyo Swuro SDO (Civil) Peren, Dr. Tinojongshi ADC Jalukie, Kochuiding Head DB, Rammi Ndang HA DC nunger densema liasü. Maneni Peren DC office staff temia ken tajung ka aten aser tepela anküp o Rumbemo Kithan EAC Ngwalwa-i jembia liasü, ta DPRO Peren sangdong ka ajanga metetdaktsü.