Peren DC-i Nagaland aser Assam arrtsü semdang

Dimapur, June 6 (TYO) : June 5, 2016 nü Peren Deputy Commissioner, Zarenthung Ezung-i anir District Administration den ADC Tening, Land Record & Survey Department, P.W.D. (R&B) aser NGO temi Bamsiakilwa yimtsüng nung Nagaland aser Assam arrtsü semdang.
Parnoki arrtsü ladangba lungzüng reprangdang aser Bamsiakilwa, Ngam, Nsong o Nchen yimdaklirtem den ajurutepa sensaksem.
Iba mapang Deputy Commissioner, Zarenthung-i yimdaklirtem dang tarutsü nung khurettem adokdang koktettsü atema administration den amalitepa yariteptsü ayongzük.