Peren DC-i tetuyuba agütsü

Dimapur, Rongchii/April 9 (TYO): Disaster Management Act, 2005 kübok COVID-19 wara poktetba ya health emergency ka ta angateta lendong tulu ta sangdongogo. Nagaland Disaster Management Authority, Government of Nagaland-i tetuyuba aser SOP tem mapangshia agütsür, koba COVID-19 tashidak prokshia aoba nokdangtsü atema lir. Ajisüaka lokti nung mask asemba, establishments balala nung teka metsüktsü atema metoktsüba aser tetsüngda inyaksangshi masüba reprangtetogo aser iba ajanga aibelenertem tashidak menatsü lendongbang nung toktsüba dang masü parnok meket alirtema lendongi idaktsür.
Anungji Home Department, General Administrative Branch, GoN tetuyuba aser Section-51 of the Disaster Management Act, 2005, Epidemic Diseases Act, 1987 aser Indian Penal Code, 1860, Section-188 dak ajemdaker Deputy Commissioner Peren, Sentiwapang Aier-i April 7 nü tetuyuba kar agütsüogo. Tetuyuba kübok SDTF aser ken o dak sendaka aliba lokti tentettemi SOP aser tetuyuba sülen manidakertem nem temerenshi agütsütsü.
Office, bank, shishilembadak aser business establishments, restaurant, hotel, public transport, social aser tamangba yimsü dak sendakba nung senden, educational institutions amala lokti adenshiba tesem nung mask masemertem dang aibelenba shia senchi sen 100 achitsü. Iba tetuyuba ya ASI aser temaba jenjang nung aliba police ketdangsertem aser Transport-Assistant Road Safety aser Enforcement Inspector aser temaba jenjang nung aliba ketdangsertemi benoka inyaktsü.
Dokan aser business establishments, restaurant aser hotel tem nung hand washing facility/hand sanitizer magütsürtem dang mezüng aibelenba mapang senchi sen 100 achiba den tekümdaktsü metetdaktsütsü. Mezüng aibelenba sülen hopta ka lir ano maneni tetuyuba sülen manidakra facility tem magütsü tashi establishment tem shibangsütsü (registration /license suspend sütsü akok). Iba tetuyuba ya Urban Local Body-i achaayangtsü.
Bus, taxi, auto-rickshaw nung tetuyuba ama passengers manishira National Disaster Management Act, 2005 aser Nagaland Epidemic Diseases (COVID-19) Regulations, 2020 kübok ken o benoktsü, koba ASI aser temaba jenjang nung aliba police ketdangsertem aser Enforcement Inspector aser temaba jenjang nung aliba ketdangsertemi benoka inyaktsü.
Quarantine, isolation, contact tracing, testing (e.g., contact indang osang magütsüba, test asütsü memulungba, quarantine mesera isolation inyakyim sülen manidakba, COVID-19 tashidak agi tonger alirtem mezüngmeshiba amala) dak sendakba nung tang benoka aliba SOPs/advisories tem indang clauses/provision tem sülen manidakra National Disaster Management Act, 2005 aser Nagaland Epidemic Diseases (COVID-19) Regulations, 2020 dak ajemdaker ken o benoktsü. Iba maparen ya District Task Force-i achaayangtsü.
Maneni DC-i, iba tetuyuba ya osang agütsüba anogo nungi osang tejangja ka magütsü tashi benoka atatsü ta metetdaktsü.