Peren District Departmental Badminton Tournament kaogo

Dimapur, Yimpoksüi/November 28 (TYO): 5buba Peren District Inter Departmental Badminton Tournament Yimpoksüi/Nov 28, 2018 nü Indoor Badminton stadium Jalukie Town nung kaogo, kong Peren, DC, S.Tainiu tetushi tesemdanger ama arua aden.
Tetushi tesemdangeri sentong nung o jembiba mapang Department ajak dang district nung department tem tsüngda tensendaktep tajungba küma yanglutsü atema badminton tournament nung shilem agitsü mepeshi. Laisa, küm peyong nüburtem tenzükba mapang nung mazüngi inyaka arur iba asayamung ya südoksünemba mapang ka lir ta shia asayartem dang asayar yimya tajungtiba benshia asayatsü ajungshi.
Asayamung lapokba sentong ya ADC Jalukie aser Convenor Organising committee, Dr.Tinojongshi Chang lenisüba kübok aka. Sentong nungsa Baby Gangte-i ken tajung ka aten aser iba sülen Peren DC-i asayamung lapokja liasü.