Peren DWO-i NSAP scheme kübok teyari agütsütsü aliba indang metetdaktsü

Dimapur, Mongputeni/October 22 (TYO): District Welfare Officer Peren, Asangla Jamir-i, sangdong ka ajanga IGNOAPS, IGNWPS, IGNDPS, NFBS, State Non-Plan Old Age Pension, nükpoker aser lemtar alirtem nem senotsü teyari agütsütsüba anogotem sangdongogo.

Anogotem yamai alitsü:
Nsong Project: 26th – 27th October 2021;
Athibung Project: 28th – 29th October, 2021;
Tening Project: 2nd – 3rd November, 2021;
Peren Project: 5th – 6th November, 2021;
Jaluke Project: 8th -10th November, 2021.

Iba dak sendakba nung DWO-i, Anganwadi Workers aser teyaritepertem dang, nisung tali nongtepba aser mangmangtepba nungi jenbotsü atema beneficiaries tem tenüng nung pension agizüktsütsü tetuyuba agütsüogo.

Senotsü agütsüba mapang Anganwadi workers tem uniform semer arutsüla. Booklet samaba keno mesera tanga ken o tem jangjanüa lira ketdangsürtem den tsüngtong arua tongteprateptsü metetdaktsüogo. Maneni laisa, sen agütsüba takdang nung nisung ajak mask asemtsüla, ta metetdaktsü.