Peren jila nung legal awareness campaign ayonga agi

Peren, January 29 (TYO): Küm piyong Awareness Campaign 2019 dak sendakba nung tanü Peren DC indang Conference Hall nung Nagaland State Legal Services Authority den Nagaland Bar Association nati ayongzüka sentong ka agiogo, ta ketdangsertem osang ka ajanga metetdaktsü.
Sentong nung Peren Deputy Commissioner, S. Tainiu-i shilem agirtem dang mapang ajak nung legal awareness indang meteta alitsüla, ibaji ajanga sensotem ajangzüktsü, ta ashi.
Sentong nung DPA President, Imti Imsong-i okila jembi aser NBA President, Tali-i “Role of GBs and DBs and Nagaland Village and Tribal Councils Act 1978” onük jembia liasü. Sentong nungsa shialem agirtem den shsa lemsatep aser tasüngdangbatem langzü; tesüsa Wangshi Jamir-i tepela anküp o jembia liasü.