Peren nung ASHA aser AWW volunteer training agi

Peren, Monupii/May 15, 2020 (TYO): Hokolbarnü, PTWWO Hall, Peren Town nung ASHA asew AWW indang volunteer tem atema Block level aser Health Unit level training ka ayongzüka agiogo, ta sangdong ajanga metetdaktsü.
Iba training sentong nung BAC, Ipungringle ser DCM, Sekholu naprongla dena liasü.
District kübok yimtsüng shia nung volunteer tem dang COVID-19 dak sendakba nung teinyaktsütem aser tarurtem osang jangjatsü asoshi, iba training ayongzük.
Iba training sentong nung adenertem dang, tarurtem jangjatsü, ainlen senzüba kar danga tejangja meteta lira iba indang follpw up agitsü, parnok senzüba mapang/anogo tem jangjatsü, temulung melemi bilemba COVID-19 wara tashidak agi shiranger tem jangjatsü atema ki ka danga mezüdoki bushiba, kilen shia tarensena züloka list yanglutsü aser kidang kibong nung tekolakba tenüng, kibong nung züngsem ajak jangjatsü, kar danga iba wara agi shirangba metetra tashidak temaitsü tejangja agütsütsü aser iba den külemi shiranger tenüng den pa/la talidak tejangja agütsütsü asoshi tesayuba agüja liasü, ta kasa sangdong ajanga metetdaktsü.