Peren nung ‘Healthy Life Style Camp’ tenzük

Dimapur, January 13 (TYO) : January 13, 2016 nü Jalukie CHC nung ‘Healthy Life Style Camp’ tenzükba sentong agi aser sentong nung tongti tesemdangerji Peren Deputy Commissioner, Peter Lichamo liasü.
Peter Lichamo-i tongti tesemdanger o jembidang ashiba agi Healthy Life style programme ya linük kübok tesem aika nung agiba national programme ka lir.
Iba ya tanen makai agiba sentong ka lir aser health centre ajak nung agitsü. Nisung mashi ka dak tashidaki atongtsü aser senso ajaki pei temang anema ayutsü atema teyari agitsüla, ta Peren DC-isa ashi.
Iba sentong nung mendenji CMO, Peren, Dr. Ngangshimeren liasü, Medicine Specialist, Athibung CHC, Dr. Thangman-i okila jembi aser Deputy Chief Medical Officer, Peren, Dr. Tiala Longkumer-i anküp tepela o jembi.