Peren nung Horti building tasen semzük

Dimapur, May 22 (TYO): May 20, 2017 nü District Hq. tasen, Peren nung Horticulture Parliamentary Secretary, Kejong Chang-i District Horticulture Office indang building tasen semzüktsüogo.
Iba building semzüktsüba sülen lokti den jembidang tongti tesemdanger Parliamentary Secretary-i iba building ketdangsüa yangluba atema department ketdangsertem aser staff tem nem tenüngsang agütsü.
Iba building yangluba indang osang Er. Vizodel Khatso-i tongmelang agi metetdaktsü aser Director, N. Amos Ao-i okila jembia liasü.
Kasa sentong nung Peren Deputy Commissioner, Zarenthung Ezüng, Village Council Chairman, New Peren aser Kejanglwa nungeria jembia liasü.
District Horticulture Officer, Talimongba-i tepela anküp o jembi aser iba sentong ya Horticulture Secretary, Alan Gonmei, IAS leniba nung agia liasü.