Peren nung Kala Utsav sentong agi

Dimapur, September 19 (TYO): State tesem ajaklen KALA UTSAV (RMSA) sentong agiba dak sendakba nung September 19, 2017 nü town hall Peren nung visual arts on painting competition agia liasü; iba sentong ya Jt. Mission Director, Visiezelie Yashu aser Deputy Mission Director RMSA, Timothy Thong na lenisüba nung agi.
Iba sentong ya shilem ana lemsar agi- competition aser formal programme.
“Ek Bharat Shrestha Bharat” omen nung ajemdaker High School aser Higher Secondary school kaketshirtem Class-9 nungi 12 puri painting tetoktepba nung shilem agi, aser takokertemji- Govt. Higher Sec. School Peren nungi Deugum-i mezüngbuba jenjang nung takok angu, Govt. Higher Sec. School Peren nungi Wabongtemjen-i tanabuba jenjang nung aser Govt. Hr. Sec. School Jalukie nungi Paurang-i tasembuba jenjang angu.
Sentong nung Jt. Missin Director RMSA, Visiezelie Yashu-i 2015 küm nungi tenzüka linük tesem ajaklen Kala Utsav ayonga agiba nükjidong metetdaktsü.
Paisa kaketshirtem dang pei sobaliba jangjaa alitsü ayongzüka liasü.
Ano sentong nungsa Deputy Mission Director RMSA, Timothy Thong-i kaketshirtem dang tarutsü nung Kala Utsav dak sentongtem nung shilem agitsü indang metetdakja liasü.
Iba sentong ya DDEO Peren, L Toshimenla Imchen leniba nung agi, aser SDEO Peren, Mary Zhimomi-i tepela anküp o jembia liasü.