Peren nung mini hornbill tembangogo

Peren, Mongputeni/October 31 (TYO): Peren nung Chega Gadi Lamsimngi Mini Hornbill benjung den Naga King Chilly achiba benjung Rongjui/September 29, 2018 nü tenzüka liasü aser tanü Advisor, Water Resources Department, Namri Nchang tetushi tejaoker süa DC complex, New District Headquarter, Peren nung iba benjung tembangogo, ta ketdangsertem osang ka ajanga metetdaktsü.
Iba sentong nung jembidang Advisor, Namri-i iba benjung ayongzüka amalitepa inyakba ajanga takok tulu ngutetba atema Peren DC leniba nung Organising Committee, Peren district nung Heads of Offices aser tribal lenirtem dang pelaba lemsatep.
Kasa sentong nung Tourism Officer Peren, Kelhouse-ü-i lokti pelaa agizükba o jembi aser DC Peren, S. Tainiu-i tepela anküp o jembia liasü.
Sentong nungsa Jalukie B cultural troupe-i sobaliba shilem ka agi aser Peren Voice Impact 2016 nung takok angur, Keyipeisile Herie-i ken ka tena liasü.