Peren nung scheme balala indang awareness sentong agi

Peren, August 02 (TYO): July 25 nungi July 28, 2019 tashi Pradhan Mantri Matru Vandana Yojana (PMMVY), Sakhi- One Stop Centre aser Mahila Shakti Kendra (MSK) Peren District-i Benreu, New Poilwa, Old Poilwa aser Peren Namdi nung awareness sentong ayongzüka agiogo, ta ketdangsertem osang ka ajanga metetdaktsü.
Tour programme mapang nung ketdangsertemi yimdak yimsüsürtem den shisalemsatep sentong ayongzüka parnok dang department balalai yimtsüng nung schemes aser services agütsüba indang asüngdang, iba sülen Community Awareness Program ayongzüka agia liasü.
Sakhi inyakyim metetdaktsüdang Sakhi-One Stop Centre Peren District nungi IT staff, Akusi Khate-i, SAKHI- One Stop Centre (OSC) ya Ministry of Woman & Child Development kübok inyakba mapatong ka lir aser Nagaland State Social Welfare Board (NSSWB) kübok State Resource Centre for Woman (SRCW) ji OSC Nodal Agency lir, ta metetdaktsü.
Khate-isa, Sakhi- OSC ya kibong nung, mapa inyakba tesem aser lokti nung tetsürtem anema inyakba ajanga takoksa angur tetsürtem yaritsü atema lir; item ama takoksa angur tetsürtem nem service balala agütsütsü atema OSC bushitsü tuyur, ta metetdaktsü.
PMMVY Peren District Cell nung District Coordinator, Keyizieteing Ndang-i Pradhan Mantri Matru Vandana Yojana (PMMVY) indang metetdakja liasü; iba scheme ya Ministry of Women & Child development-i Anganwadi Centres sabang ajanga maternity teyari agütsütsü atema lir. Iba scheme kübok mashisa tsürtem, mama yongdaktsürtem nem senotsü teyari agütsüba den külemi parnok health aser nutrition jenjang ajungkettsütsü atema inyaker.
MSK District Coordinator, Lungngaulie-i, tetsürtem atema sorkari schemes balala nungi tajangzük agütsür saka aikati item schemes nungi teyari magir, ta ashi. Laisa Sukanya Samriddhi Account Yojana, Pradhan Mantri Mantru Vandana Yojana, Janani Suraksha Yojana, Janani Shishu Suraksha Karyakram,Family Planning, Tuberculosis, Ayushman Bharat aser Rashtriya Bal Swasthya Karyakram schemes nungi teyari agitsü atema inyakyim aser telatetbatem metetdaktsü.
Yimtsüngtem nung tetsürtem lenla ajak nung renloktsü aser tetsürtem nem tashi agütsütsü atema Ministry of Women & Child Development (MWCD)-i MSK ya benoka inyaker; MSK ya BBBP (Beti Bachao Beti Padhao) dak sendakba mapatong ka lir.
Iba sentong ya MSK nung Women Welfare Officer, Heiriateilei leniba nung agia liasü.