Peren nung SVEEP campaign agi

Peren, September 05 (TYO): Youth Voter’s festival (ECI) dak sendakba nung September 04, 2017 nü Peren Govt. College nung ‘systematic voter’s education & electoral participation (SVEEP) Campaign’ seminar ka agiogo, ta tanü ketdangsertem osang ka ajanga metetdaktsü.
Iba sentong ya District Election Office Peren-i Peren Government College, Team One aser Higher Secondary Schools Peren Town den senteper ayongzüka liasü.
Iba sentong nung shisalen sayurji Peren Govt. College Vice Principal, Albert liasü aser pai “Increasing Qualitative participation in terms of Ethical & informed Voting” onük jembi.
Asst. Election officer (AEO), Nathan Konyak-i okila jembidang pai, arishi küm 18 ajungertem atema October ita nungi special drive agitsü, ta metetdaktsü.
Iba sentong ya HoD (History) & Nodal Officer, Heiramchube Liegise leniba nung agi aser Asst. Professor, Dr.Kekuchol Pusa-i anküp o jembia liasü.