Peren nung workshop ka aka

Dimapur, Chiteni/July 25 (TYO): Rashtriya Poshan Abhiyaan (National Nutrition Mission) nung shilem ka ama kaketreju tem dak ajemdaker adolescent tetsürtem atema Department of Social Welfare Peren-i workshop ka ayongzüka katsüogo. Iba sentong ya ‘Anaemia prevention in adolescent girls, balanced diet and right age of marriage’ omen nung ajemdaker July 25, 2019 nü GHSS Peren nung agiogo.
Workshop nung DOP (RCH-UIP) Peren Dr. M.Nukshisangla Jamir-i Anaemia aser Diarrhoea Management onük nung ajemdaker jembi aser Peren kübok Sakhi – one stop centre (OSC) counselor, Grace Newmai-i kibong akümtsü asoshi arishiküm koba temzüng ozüng kübok latetja lir iba indang metetdaktsü.
Iba sentong ya CDPO Ahthibung Mangliyangbe Longkumer lenisüba kübok aka aser GHSS Peren, principal Arenla-i lokti pelaa agizükba o jembia liasü. Sentong nungsa DEO Peren, Ramdi Thou-i tepela anküp o jembia sentong tembang, ta ketdangseri metetdaktsü.