Peter Mukerjea

Talidak ki : Mumbai, India aser Bristol, United Kingdom
Mezüng Kinungtsü : Shabnam Mukerjea den 1975 küm nungi 1994 küm tashi ali
Tanabuba Kinungtsü: Indrani Mukerjea den 2002 küm nungi dang tashi alir
Tanur tebur ana : Robin Mukerjea aser Rahul Mukerjea
Peter Mukerjea ya 1954 küm United Kingdom nung aso. Peter tebu doctor liasü. Pa Doon school, Dehradun, India nung 1971 küm Graduate asü.
Peter-i 1975 küm September 9 nü Shabnam Singh den kibong aküm. Tena tanur tebur ana Robin 1980 küm aso aser tanabuba jabaso Rahul 1984 küm aso aser 1994 küm Peter-i Shabnam Singh den paladok. Peter ya tang Indian television executive mapa nungi anisüngzük agir alir.
1997 küm nungi 2007 küm tashi pa STAR India Mumbai nung inyaka CEO liasü. Iba sülen 2007 kümjisa INX Media nung chief strategy officer inyak aser 2009 küm anisüngzük agir Bristol, England-i ao.
Peter Mukerjea-i American food processing company Heinz aser British retailer Storehouse plc United Kingdom nung shishilemba tamasa tenzük. Pa advertising agency Ogilvy & Mather nung Account Director New Delhi aser London nung inyak. DDB Needham nunga Regional Group Account Director Hong Kong nung inyaka laisü. 1993 küm STAR TV nung Sales Director (India) Hong Kong nung inyak. Iba sülen mapang tatsüka lirbo Mumbai-i meyipa arur India nung STAR TV’s tenzük. 1996 küm Peter-i Middle East market-a repranga liasü. 1997 küm Executive Vice President meden-i atu. 1999 küm STAR India nung Chief Executive Officer mapa küm 8 tashi inyak.
Peter-i television channel ESPN STAR Sports, cable television service operator Hathway aser joint venture company Media Content & Communications Services (India) for Star News nung Director mapa inyak.
2007 küm January ita nung Peter-i STAR India mapa toktsü. 2010 küm April ita nung Peter-i pa mapa Company dang ayok.
Sheena Bora sür külen Peter Mukerjea’er tanur tanubusang Rahulbo dang tetsü den Dehradun anasa Badripur nung lidagi.
2002 küm Gandhi Film yanglusang, Alyque Padamsee ajanga Peter o Indrani Bora na metettepdaktsü. Peter o Indrani na metetteper küm ka sülenbo Peter Mukerjea o Indrani Bora (Indrani Mukerjea) dena medemer ishika jadena Suhel Seth’s garden house, Delhi nung kiyimba kulizüng agi.
Indrani kikong kümer tesülen tanabuba tebuba’er jala Vidhie Khanna-i tetsü Indrani bushia aru.
2005 küm Indrani-i lar tanur tala Sheena Bora aser jabaso Mikhail Bora denaji Indrani tenua ta Peter Mukerjea dang ashi.
2015 küm August ita Mumbai police-i Sheena Bora tepsetba ken o nung pa dang asüngdangaogo. Police-i asüngdangyaba langzüa Peter-i okatsür teyari agia Sheena Bora tepsetba mapang (April 2012) pa Rome nung liasü ta tezüluba ka den passport agütsü.
November 19, 2015 nü Sheena Bora tepsetba ken o nung CBI-i Peter apu aser November 30, 2015 tashi police ket nung ayutsü ta November 26, 2015 nü sangdongogo.
CBI-i Peter Mukerjea-i shidak jembir asü masü’ar ibaji tendangtsü atema Delhi special court dang temelaba asüngdangogo. Tang Peter Mukerjea ya CBI ket nung yua lir.