Petra Kvitova Eastbourne Tournament nung shilem magitsü

June 26, 2017 (Agencies): Petra Kvitova Eastbourne nung Wimbledon atema warm-up asaya nungi tepok nung timtem kar adokba ajanga tuguogo, ta WTA osang ajanga Hombarnü metetdaktsü.
Arishi küm 27 tain Czech tsür Kvitova iba asayamong nung shilem magitsüba osang lai Birmingham title akokba sülen ghonda 24 lir agütsü. Wimbledon anaben tashi koka alila ya yaküm lar kidang auertem atua kotari agi yirutsüba sülen meyipa arur Birmingham title koka liasü.
“Petra Kivitova Eastbourne asayamong nung tebok nung timtem aliba ajanga masayatettsü,” ta WTA-i parnok indang official twitter page nung sangdong.
Kvitova-i Australia tsür Ashleigh Barty 4-6, 6-3, 6-2 agi Birmingham nung koka liasü.