Petra Kvitova-i Zhuhai title benogo

Zhuhai (China), November 06 (Agencies) : Czech Republic tsür Petra Kvitova-i tan asayaba, WTA Elite Trophy final asaya nung takok marok benogo. Deobarnü lai Ukrain tsür Elina Svitolina madak 6-4, 6-2 agi takok angu.
Game pungu asayadang Kvitova-i game pezü tashi makok aser la 1-4 aliba mapang nungi kanga meranga asayatsü tenzüka game 5 atonga akok, ta Xinhua osang ajanga metetdaktsü. Czech Republic tsür lai tanabuba set kanga ayim ayima asaya.
“Ni makoktsü amai liasü ajisüaka kü mulung nung ya tatembanger masü ta bilema aru, anungji ni point kaka angutsü meranga asayatsü tenzük,” ta asaya temer külen Kvitova-i ashi.