Petrol & diesel jenjang aluogo

New Delhi, November 15 (Agencies) : Mongulbarnü petrol litre nung sen 1.46 aser diesel litre nung sen 1.53 ajemogo. Totzü jenjang tasenbaji Mongulbar ayaterm nungi amshitsü.
November 5, 2016 nü petrol litre nung poisa 89 aser diesel litre nung poisa 86 ajungket liasü.
“Petrol aser diesel indang international product jenjangtem aser INR-USD exchange rate nung ajemdaker onoki jenjang reprangshimer” ta Indian Oil Corporation sangdong ka nung metetdaktsü.
“International oil market aser INR-USD exchange rate junga repranga atatsü aser iba nung ajemdaker tarutsü nunga jenjangtem reprangshitsü” ta IOC-isa metetdaktsü.
Petrol jenjang ajemba sülen New Delhi nung litre nung 65.93, Kolkata nung 68.67, Mumbai nung 72.29 aser Chennai nung 65.41 agi ayoktsü.
Ano, diesel jenjang ajema akümba sülen New Delhi nung litre 54.71, Kolkata nung 56.95, Mumbai nung 60.32 aser Chennai nung 56.24 agi ayoktsü.