Petrol & diesel jenjang ita asem pezü nung atutsü akok: Crisil

Mumbai, December 6 (Agencies) : Anogo nung crude oil production barrel million 1.2 agi tajemba akümtsü mechi nung taruba ita asem pezü nung petrol jenjang noklang nung shilem 5 nungi 8 aser diesel jenjang noklang nung shilem 6 nungi 8 tashi atutsü atema Organisation of Petroleum Exporting Countries (Opec)-i taoba hopta telemtetba ka agiogo, ta Mongulbarnü Crisil Research ajanga metetdaktsü.
“Opec-i lemtetba dak ajemdaker March 2017 tashi nung Brent crude barrel ka jenjang sen dollar 50 nungi 55 tashi akümtsü aser iba jenjangji sen dollar 60 tashi aküm nungbo petrol litre ka jenjang sen 80 aser diesel litre ka jenjang sen 68 akümtsü.
Kodang oset kar ajema yangludir/adokdir idangji jenjanga tasakba akümer, ajisüaka Opec telemtetbaji ajaki shitak agizüka amshitet nungang mapa akümtsü akok,” ta Crisil sangdong ka ajanga metetdaktsü.
“Linük nung sen nokdangba mapa ajanga iba nung tetsükdak alutsü akok, ajisüaka sen tasentem peria longtep tenzüker külenbo kecha timtem malitsü,” ta sangdong ajangasa ashi.
Curde Oil nung sen atuba ajanga public sector nung tajangzük tulu bener arutsütsü.
Crisil Research ajanga sayuba agi, alima nung tang atakteta aliba dang nungi totzü talila lemshibaji 1.4 nungi 1.7 mbpd lir aser ibaji Opec production-i tan lemtetba inyakyim agi 2017 küm tom tashi nung liromedema kümdaktsütsü.