Petrol litre nung poisa 42; diesel nung sen 1.03 atur

New Delhi, Jan. 15 (Agencies): Deobarnü sorkar meyong totzü company temi petrol litre nung poisa 42 aser diesel litre nung sen 1.03 tuogo.
Hopta trok tsüngda petrol jenjang nung trokben aser hopta ana tsüngda diesel jenjang nung anaben tashi reprangshiogo. Jenjang tasenbaji taonung ayaterm nungi tenzüktsü.
Taonung ayaterm nungi Delhi nung petrol litre nung sen 71.13 aser diesel litre nung sen 59.02 agi ayoktsü.
Indian Oil Corp (IOC), Bharat Petroleum Corp (BPCL) aser Hindustan Petroleum Corp (HPCL) temi itashia 1 aser 16 anogotem nung totzü jenjang reprangshimer.