Petrol litre nung poisa 58; diesel nung poisa 25 ajemogo

New Delhi, November 30 (Agencies): Indian Oil Corporation (IOC)-i Hombarnü petrol litre nung poisa 58 aser diesel litre nung poisa 25 ajemogo. Totzü jenjang tasenji November 30 ayaterm nungi amshitsü.
November 16, 2015 nü petrol jenjang khen atuba dak alaka totzü company temi jenjang pezüben tashi ajemogo. Parnoki talküm August 1 nü petrol litre nung sen 2.43, August 16 nü sen 1.27, September 1 nü sen 2 aser November 1 nü poisa 50 ajema liasü.
November 1 nü jenjang reprangshimdang diesel nungbo temelenshi kecha maliasü saka October 16 nü company temi diesel litre nung poisa 95, October 1 nü poisa 50 ta ajungket saka September 1 nübo poisa 50 ajema liasü.
Sorkar meyong totzü company tem – IOC, Bharat Petroleum Corp (BPCL) aser Hindustan Petroleum Corp (HPCL) nungeri ita shia mezüng anogo aser 16 anogotem nung totzü jenjang reprangshimer.