Petrol litre nung poisa 74, diesel nung 1.30 ajemer

New Delhi, April 15 (Agencies): Taoba ita ana tashi totzü nung jenjang atuba sülen tanü petrol litre ka nung poisa 74 aser diesel nung sen 1.30 ajemogo.
Totzü jenjang ajemba sülen taonung, April 15, 2016 ayaterm nungi Delhi nung petrol litre ka nung sen 61.13 asütsü, ta Indian Oil Corp (IOC)-i ashi.
Iba den kasa diesel litre nunga sen 48.01 asütsü, ta parnokisa ashi.
March 17 nü petrol litre nung sen 3.07 atuba aser April 4 nü litre ka nung sen 2.19 atuba iba den diesel nung pezüben tashi sen atuba sülen tang totzü anaprong nung jenjang ajemer.
“Tang International product jenjang den India sen aser US sen exchange rate ajanga petrol aser diesel nung jenjang ajemer, ibaji ajanga talirtem tashi kongshia jenjang melenshir,” ta IOC-i ashi.