Petrol litre nung Rs 3.07, diesel nung 1.90 tuogo

New Delhi, March 16 (Agencies): Bodhbarnü Oil marketing company temi petrol litre ka nung sen 3.07 aser diesel litre ka nung sen 1.90 tuogo.
Jenjang tasenba nung ya state saru densema lir aser Bodhbar ayaterm nungi tenzüka totzü jenjang tasenba nung ayoktsü.
Jenjang atuba sülen Delhi nung petrol litre nung sen 59.68, Kolkata nung sen 63.76, Mumbai nung sen 65.79 aser Chennai nung sen 59.13 asütsü, ta Indian Oil Corporation (IOC)-i metetdaktsü.
“Petrol & diesel International production aser rupee-US dollar exchange rate ajanga petrol aser diesel jenjang atur, ibaji ajanga jenjang tua talirtem kongshir,” ta IOC-i sangdong ka nung ashi.
February 29, 2016 nü petrol litre ka nung nung sen 3.02 ajema liasü.