Petrol litre nung sen 2 ajemer

New Delhi, August 31 (Agencies): Hombar nü Petrol totzü litre nung sen 2 ajemogo aser diesel totzü nunga litre nung poisa 50 ajemogo.
August 31 ayaterm nungi tenzüka jenjang tasenba nung totzü ayoktsü.
“Taoba mapang totzü jenjang melenshiba sülen petrol aser diesel naprongla nung International jenjang ajemogo. Ajisüaka iba mapang nungsa India sen aser US sen exchange rate ajemogo. Item kuli anaprong ajanga jenjang ajemshir, aser kasa kuliji ajanga talirtem jenjang nunga kongshir,” ta Indian Oil Corporation (IOC)-i sangdong ka ajanga ashi.
Tang tesüsabuba jenjang melenshiba sülen Delhi nung petrol litre ka nung sen 61.20 asütsü aser diesel litre ka nung sen 44.45 asütsü.
August 14 nü petrol litre nung sen 1.27 aser diesel litre nung sen 1.17 ajema liasü.