Petrol litre nung sen 3.77, diesel nung 2.91 ajemer

New Delhi, March 31 (Agencies): Totzü jenjang reprangshiba sülen taonung, Hokolbar ayaterm nungi tenzüka Petrol litre ka nung sen 3.77 aser diesel litre ka nung sen 2.91 agi ajemer ayoktsü.
January 16 nü totzü jenjang tesüsabuba reprangshia liasü, aser iba mapang nung petrol litre ka nung poisa 54 aser diesel litre ka nung sen 1.20 tua liasü.
Tang Delhi nung petrol litre ka nung sen 71.14 aser diesel litre nung sen 59.02 lir.
Indian Oil Corp (IOC)-i sangdong ka ajanga, tang totzü nung jenjang ajemba ya International jenjang apir ajemer, ta metetdaktsü.
“Petrol aser diesel nung International jenjang aser India-US sen exchange rate apir petrol aser diesel nung jenjang ajemer, aser tang jenjang reprangshiba ajanga talirtema kongshitsü,” ta IOC-i metetdaktsü.
IOC-isa, International jenjang nung Petrol aser diesel totzü den India-US sen exchange rate ji maneni reprangshitsü, aser iba nungji ajemdaker tarutsü nunga jenjang melenshitsü, ta metetdaktsü.
Bharat Petroleum Corp (BPCL), Hindustan Petroleum Corp (HPCL) aser IOC-i ita shia mezüng anogo aser 16 nü jenjang asadanga melenshir.