Petroleum products GST küboki aittsüla: Cong

New Delhi, November 11 (Agencies): Congress aser party tatong Tir, Rahul Gandhi ajanga GST Council aser BJP sorkari items aika nung GST shilem ajemtsüsa akum, ta shia tanü Congress-i, petroleum products, real estate aser electricity ji GST küboki aitdaktsütsüla, ta takhangba agütsü.
Party-isa, GST ya Ato kilonser, Narendra Modi’er tembar takartem yaritsü saka tilateri shishilembar million aika yirudaktsütsü atema kanga sangra-a benokba mapatong ka lir, ta ashi.
Hokolbarnü Finance Minister Arun Jaitley leniba nung GST Council senden nung GST saru shilem 28 agiba items 277 aliba nungi items 50 nungang saru shilem 28 agitsü lemteta liasü, aser iba dak sendakba nung tanü Congress otongdar, Randeep Singh Surjewala-i sangdong ka ajanga, “Congress tatong Tir Rahul Gandhi aser Congress party-i GST Council aser BJP sorkar dang, anogoshia amshiba osettsüsettem nung saru shilem 28 alibaji ajema akumtsü kanga rongshia liasü. Yimtenren nung melung masüba aser longkak aitba ajanga Modi sorkar kodamesüi akum aser tera atsüanemtsüsa akum,” ta metetdaktsü.