Pfuchatsumia & Tsütuonuomia Mechü Krotho Ki semzük

Kohima, September 11 (TYO): Tawa tasen yangluba Pfuchatsumia & Tsütuonuomia Mechü Krotho, Kohima village Ki tanü Tsütuonuomia Khel Chairman, Thepfüvilie Suohu-i Ziekezou, Kohima village nung semzüktsüogo, ta ketdangsertem osang ka ajanga metetdaktsü.
Pfuchatsumia & Tsütuonuomia Mechü Krotho, Kohima village Ki tasenba nung ya takdang pongu lir.
Iba sentong nung jembidang Suohu-i commercial building tanabuba yanglutsü atema Kohima village nung khel ana longjemba atema pelaba metetdaktsüba den külemi parnok dang, akhidang nungi nenok tsüngda meimtepa aruaba ama maneni meimatepa tesendaktep tajung ayutsü ayongzük.
Paisa khel ana nung nüburtem ajangzüktsü atema ka küma longjemer alitsü ayongzük.
Iba sentong nung Suohu-i building tasenba nüngshilong semzükja liasü.
Pfuchatsumia & Tsütuonuomia Mechü Krotho finance secretary, Kelhousetuo Rutsa-i iba building yangludang sen teindokba osang zünga metetdaktsü.
Iba sentong lenir aser Pfuchatsumia & Tsütuonuomia Mechü Krotho Chairman, Prasilie Pienyü-i, khel ana nung alir tejangrar shishilembartem nem commercial takdang lemzüktsütsü, ajisüaka parnok jagi takdangji tanga anem magütsütsüla, ta metetdaktsü.
Paisa, item dokan takdang ka nungdanga loktiliba anemba mapatam meinyaktsü aser yi ayoktsü memelatsü, ta metetdaktsü.
Iba sentong nung temoatsü meshia Khedi Baptist Arogo nung Deacon, Kholie Keyho-i sarasadema liasü.