Pfutsero nung 1buba open penalty shootout tourney asayatsü

Kohima, Ocober 2 (TYO) : October 7 nungi 8, 2016 tashi Pfutsero Sports Complex nung Win FC Pfutsero teloki mezüngbuba penalty shootout tourney ayonga asayatsü, ta sangdong ka ajanga metetdaktsü.
Phek district kübok aliba Pfutsero ya state yimtiba Kohima nungi kilometre 70 pilar lir.
Sangdong ajangasa ashiba agi, iba asaya nung takok angur nem sen 50,000, tanabuba jenjang nung takok angur nem sen 30,000, tasembuba pur nem sen 20,000 aser pezübuba pur nem sen 10,000 senpet agütsütsü. Iba asaya nung adentsü atema entry form tem Bible House, Kohima, Riwe Mekru’s shop Pfutsero aser Life Centre Pfutsero tesemtem nungi angutsü.
Osang jangjashinertemi Kope Kronu- 9612367421, Tali Kapfo -9612512475 aser Sabu Kapfo- 9615771164 nunger den tongtepratep nung ajungtsü.