Pfutsero nung Vekuhu SHG Rural Mart semzük

Kohima, July 12 (TYO): July 12 nü Mission Compound Pfutsero nung Sakraba EAC, Abeinuo Jasmine Ashau-i Vekuhu SHG Rural Mart semzüktsüogo; iba Mart ya Chakhesang Women Welfare Society (CWWS)-i achaayanga inyak aser NABARD-i sponsor asü, ta ketdangsertem osang ka ajanga metetdaktsü.
Vekuhu SHG Rural Mart ya Nagaland nungbo SHG-i achaayangba mezüngbuba Mart lir. Iba Mart lapokba nükjidong ya local aonsotsü/osettem ajungkettsütsü atema lir.
Sentong tatsüka agidang executive director CWWS, Vechulou Kanuo-i iba Mart indang tongmelang agi metetdaktsü. Iba sentong nung DDM, NABARD Phek, Imsunaro-ia jembi aser Punesalu Chuzho-i tepela o jembia liasü.