PFW finale nung Mr. World Rohit-i Nivedita Saboo atema shilem agi

Pune, September 26 (Agencies): BVLGARI-i acha ayanga agiba, 6buba Pune Fashion Week (PFW) nung designer Nivedita Saboo atema Mr. World, Rohit Khandelwal-i runway nung jajatsüa tembang. Saboo-i sentsü aika meyokteper yangluba collection ajungkettsü. Item collection nung ‘heritage techniques’ aser ‘elaborate silhouettes’ nungera densema lir.

Item oset aser sobutsü ya akhidang mapang indang tajungba küma yanglushibatem lir. Shakespeare nunger tensa bilemteta item sobutsütem nung sü mesangzüka aludaktsüba den gulab naro aser salmon amshia yanglu.

Grand finale nung Rohit-i Nivedita atema item sobutsü semer ramp nung jajaba mapang kanga azüa aser tereprangnütsüka jajatet.