‘Phantom’ film ajanga ananü nung crore 21 aazükogo

Aug. 30, 2015: 26/11 Mumbai amakba nung ajemdaker yangluba film ‘Phantom’ film ‘Raksha Bandhan’ anogomung nung sayaba sülen anogo ananü tsüngda sen crore 21.24 aazükogo.
Kabir Khan-i direct asüba film nung ya tongti shilem Saif Ali Khan aser Katrina Kaif nati agir, aser iba film sayaba mezüngnü sen crore 8.46 aazüka liasü.
Tanabuba anogo, Honibar nü iba film ajanga crore 12.78 aazükogo, aser ajak senteperbo sen crore 21.24 aazükogo, ta production house sangdong ka ajanga metetdaktsü.
Hopta tsüngda film tanga mesayaba ajanga “Phantom” film ajanga sen jenti aazüktettsü imlar.
2008 Nobvember ita Pakistan nungi kiralongrartemi Mumbai amakba lendong nung tajemtiba agi nisung 166 tashi liasü.