Pharrell-i Trump dangi Legal Notice ka yokogo

Mongputeni/October 30, 2018 (Agencies): Pittsburgh synagogue nung nisung 11 khasetba anogo nung US president political rally ka nung ‘Happy’ ken atemba sülen Pharrell Williams-i legal notice ka Donald Trump dangi yokogo.
Williams indang lawyer-i, Illinois’ Murphysboro nung Tree of Life synagogue nung nisung 11 khasetba sülen senden ka nung “Despicable Me 2” ken atemba atema POTUS dangi cease-and-desist (ozüng anema inyakba anentsü aser metenzükshitsü) shidi ka yokogo.
“Nisung 11 tepsetba anogo nai Indiana nung political sentong ka nung pa idang khen ‘Happy’ atema.”
“Iba anogo ya kecha tepalatsü anogo ka masü asü aser iba ken amshitsü asoshi nü nem temelaba magütsü,” ta Pharrell okatsür Howard E King-i shidi nung zülur yok.
Kasa shidi nung Williams-i pa indang khen amshitsü atema Trump nem temelaba magütsü aser magütsütsü ta shia lir.
“Happ ken temelaba magi-i amishiba ya copyright infringement dak sendaka lir,” ta King-isa shidi nung zülutsü.
Nisung kati lokti balala asem sendena aliba dak akhaba ya Küptoknü atalok. Iba tatalokba nung temulung melemi bilemsang Robert Bowers ya ken o 29 nung aija lir.
Ajisüaka Trump-ia pa indang rally nunga iba ken o ya benoka jembiogo.
“Iba mapa tamajunga ya temenen mapa ka lir aser mamangteter. Asen linük aser alima ajunga iba ajanga aoksadaktsüogo,” ta Trump-i ashi.