Pharrell Williams-i 2015 MTV EMA nung shilem agitsü

October 09, 2015: Grammy Award angur aser kentener Pharrell Williams-i 2015 MTV European Music Awards (EMAs) nung shilem agitsü.

2015 MTV European Music Awards (EMAs) nung shilem agitsüpur rongnung tenüng mezüng jangjasangji ‘Happy’ ken atensang Williams lir.

MTV EMAs sentong ya ya October 25, 2015 nü Milan, Mediolanum Forum nungi live telecast asütsü, ta Hollywood Reporter osang ajanga ashi.

Iba sentong nung arishi küm 42 Williams-i pa indang ken tasenba, ‘Freedom’ atentsü imlar. Iba ken ya Best Video asoshi shima lir aser Best Male artist shortlist nunga densema lir.

MTV EMAs 2015 sentong ya kentener, Ed Sheeran aser ‘Orange is the New Black’ actress Ruby Rose nati ketdangsütsü, aser nüngtugu kentener aikati shilem agitsü.

Iba aonung Taylor Swift-i Awards timba agizüktsüa akok, kechiyong Best Pop, Best Live Act, Best Female aser ‘Bad Blood’ ken densema award 9 atema nominate süa lir.

Iba dak alia Justin Bieber-a Best Male aser Best Pop densema ano tanga award pezü atema nominate süa lir.

Item awards atema mtvema.Com nung October 24, 2015 nü tashi vote agütsütettsü.