PHC Mongsenyimti nung NQAS atema external assessment agitar

Dimapur, Mongputeni/Oct. 10 (TYO): National Quality Assurance Programme kübok PHC Mongsenyimti atema October 10 & 11, 2025 anogotem External Assessment for NQAS certification agitar.

Iba Assessment ya External Assessors Dr. Sankar Roy aser Dr. Rajiv Kumar Sharma nati agitar, shirnoki NQAS guidelines nung aliba ama iba mozüki asadangtsü.

Health Centre nem National certification agütsütsü renema ali-mali jangjatsü aser Indian Public Health facilities indang nüngdakba ama asü-masü ta jangjatsü nükjidong nung iba exercise ya agir.

Iba assessment nungya “Areas of Concern” awajemtsü, kong service provision, Patient rights, Support service, Clinical Care, Infection Control aser Quality Management densema lir.

Iba assessment tenzükba sentong nung Dr. Maongkala, Medical Officer PHC Mongsenyimti ajanga Primary Health Centre indang tongmelang agi rateta ashi, koba ajanga yimtsüng ti nung nütsüng yongsük 4558 awajema Health & Wellness Centres trok tashi ketdang asür.

Dr. Takosunep Ao, Deputy Chief Medical Officer, Mokokchung ajanga Assessors tema pela agizükba o jembi aser PHC Mongsenyimti nem tenüngsang agüja liasü.

Iba sentong nung Linukyanger, Pastor, Mongsenyimti Baptist Arogo aser Sakumeren, HCMC Chairman dena liasü.

Iba assessment nungya Dr. Ajemrenla, DQM Mokokchung-i anir Office of the Chief Medical Officer Mokokchung nungi staff temi yariteptsü.