PHED-i JJM atema Social Behaviour Change Communication tools saya

Department of Public Health and Engineering (PHED) ajanga Jal Jeevan Mission inyakyim dak sendakba nung April 12, 2023 nü Social Behaviour Change Communication (SBCC) tools sayadang tangokba noksa ka yangi angur.

Kohima, Rongchii/April 13 (TYO): Jal Jeevan Mission (JJM) IEC inyakyim asoshi Department of Public Health and Engineering (PHED) ajanga Social Behaviour Change Communication (SBCC) tools saya liasü.

Iba sentong ya April 12, 2023 nü State Implementing Support Agency (ISA) North-East Initiative Development Agency (NEIDA) den 4th State Level Coordination Committee meeting alidang Principal Secretary, E. Mhonbemo Patton aser Chief Engineer, Sanitation & WSSO, PHED, Thsathrichem Sangtam nungertem lia saya liasü.

Iba mission atema yimtsüngtem nung tajemtsü tzü agütsütsü asoshi sentong yangluba, mapa kuma inyakba, ketdangsüba aser anepaluba nung nüburtem kanga tongtipang aser kibur lir.

Jal Jeevan Mission yagi yimdak yimtsüng nung kibong shia Functional Household Tap Connection (FHTC) agütsüba kisüng masü saka water source kumzüka ayutsü, tzü kumdanga amshitsü, tzü tajung koda tongtipang, jana ketdangsüba, gender inclusion, operation aser maintenance atema water service fee bendenba amala awareness agütsütsü nükjidong lir.

Anungji iba mission aser scheme nung nüburtemi shilem agitsü asoshi rangloker inyaker.

Stakeholders balala den shisadokden senden amenba aser research study agiba nung ajemdaker SBCC Strategy aser hadir tem ya asateta yanglua liasü.

Kasa mapang capacity building aser SBCC campaign atema State ISA NEIDA ajanga Nagamese oshi nung yangluba animated video asem, English oshi aser local dialects trok nung yangluba poster trok saya liasü.