PHED-i old Ministers’ Hill nung water metering system inoktsü

Kohima, August 16 (TYO): Kohima nung consumers nem tzü supply agütsütsü atema tebilemtsü kaa Public Health Engineering Department (PHED)-i mapang lemsar ciyong balala nung water metering system inoktsütsü.

EE (U) Kohima, PHED, Er. Vikeduolie Mepfhuo-i, Old Ministers’ Hill nung VIP guest house anasa aliba water supply distribution point ji water metering system agi melentsü, ta metetdaktsü.

Iba dak sendakba nung August 21, 2017 nü nungi tenzüka hopta ka tzü supply nung timtem alitsü, anungji consumers-i sen agütsütsü alibatem agüjang aser Ministers hill section nung Junior Engineer nem osang agüjang, ibaji ajanga tzü supply lines melentsü, ta paisa metetdaktsü.

Department-isa consumers dang iba maparen inyakdang timtem adokaka aremzüka atadaktsüner, ta mepishia metetdaktsü.