PHED tender melii sen crore 241.81 alang GS pipes ali

Kohima, Rongjui (September) 22 (TYO): Nagaland nung National Rural Drinking Water Programme indang Audit Report agütsüba nung PHE Department-i tenders memeshii dang sen crore 241.81 alangba Galvanised Mild Steel (GS) pipes alizükba shia lir.
2016-2017 atema Chief Minister Neiphiu Rio-i CAG report benokba nung 2012-13 nungi 2016-17 tsüngda Nagaland nung National Rural Drinking Water Programme mapa inyakba osang shia lir.
Iba mapa ya Union Ministry of Drinking Water and Sanitation (MDWS)-i Nagaland nung Public Health Engineering Department ajanga inyaker. April 2009 nung tenzüka inyakba mapa ya Nagaland nung yimtsüng tia nung alir (14.06 lakh as per 2011 census) nem tzü tajung agütsütsü atema lir.
Chief Engineer, PHED indang office-i audit atema district 11 nungi Dimapur, Kohima aser Tuensang aser block 22 nungi 6 aser scheme 52 shimteta liasü. Scheme temji sen crore 22.4 atema liasü.
2012-13 tsüngda Department-i sen lakh 15 endoka gari ana ali aser 2013-14 tsüngda rural sanitation indang baseline survey inyaktsü atema sen lakh 32 endok ta CAG-i shia lir.
Strategic Plan of MDWS, GoI nung aliba agi 2017 tashi nung yimtsüng tia nung alir 35% nem piped water supply agütsür alitsüla. Ajisüaka, IMIS data ajanga 4.91% dang atongba shia lir. Nagaland nung kilen ajak agi 3,13,509 (March 2017) nungi kilen 15,559 nung dang piped water supply connections lir. Anungji, Department MDWS indang Strategic Plan alizüng metongtet, ta CAG-isa metetdaktsüogo.
State laboratory aser district water testing laboratory 11 prongla NRDWP indang telatetba nung aliba ama National Accreditation Board for Laboratories (NABL) nung accredited süa mali, ta Water Quality Monitoring and Surveillance (WQM&S) dak sendakba olen ka CAG report nungsa shia lir.