PHED Tier II Training tembangogo

Kohima, September 11 (TYO): Public Health Engineering Department technical ketdangsertem atema anogo pongunü ‘Aquifer Information System and management’ Tier II training Hokolbar nü tembangogo, iba training ya September 7, 2015 nü state yimtiba Kohima, PHED Directorate Office nung tenzüka liasü.
Training tatembangba sentong nung jembidang tetushi tejaoker Superintending Engineer, Kohima Circle, Er.Yhunilo Tep-i, iba ama training tulu ajanga department tajangzük nguogo aser iba ya Nagaland state atema teyari tulu asütsü, kechiyong North East state tem nung NAQUIM densema CGWB mapatong ya tarutsü nung kanga tongtibang asütsü, ta ashi.
Paisa, Nagaland nung PHE department atema iba mera agiba atema Course Director, Dr.Utpal Gogoi, Regional Director, CGWB, NeR dang pelaba lemsatep.
Anküp o jembidang PHE department Nagaland tenüng nung Kohima Urban Division SDO, Er.Niri-e-i iba training tulu katetba atema pelaba olen lemsatep.
Iba training ya Ministry of Water Resources, River Development & Ganga Rejuvenation mapatong kübok Central Ground Water Board NeR, Guwahati & RGI Raipur-i ayongzüka liasü.
Tanü iba sentong lenir P.Kalita, CGWB, NeR liasü aser anogo pongunü training nung shilem agir parnok ajak agi nisung 33 liasü aser parnok ajak nem Central Ground Water Board NeR, Guwahati & RGI Raipur nungi qualified certificate agütsüogo