Phek DC Muruho-i shirem techanu ana tenla agütsü

Dimapur, April 22 (TYO) : Phek Deputy Commissioner, Muruho Chotso-i Department of Environment, Forest & Climate Change, Phek Forest Division nem Asian Black Bear techanu ana tenla agütsü.
Muruho-i DFO Phek, Rongsenlemla Imchen IFS ket nung shirem techanu anaji agütsü.
DFO Phek-i Deputy Commissioner dang pelaba metetdaktsü aser District Administration-i arem shiruru wazüka ayutsü atema inyakba mapang nung yaritepba atema pelaba shisem.
Arem shiruru kahsetba, apuba aser yokyayokjiba maparenji Wild Life Protection Act 1972 kübok aitsütsü aser sen 25,000 senchi achiba den küm 3-7 tashi tepuokdak ayutsü temerenshi angutsü, ta laisa nenshia metetdaktsü.