Phek DC office-i mangyim lemsateper

Dimapur, October 18 (TYO): Taoba mapang Phek Deputy Commissioner, Wizabo October 18, 2017 nü Dimapaur nung asüba osang angashia Phek Deputy Commisioner office nung Officer aser staff temi jashia mangyimer, ta sangdong ka nung metetdaktsü.
“1996 küm November 20 nungi 1999 küm June 4 nü tashi pa Phek deputy commissioner inyaka liasü. Pa yimsüsür aser lenir tajung ka liasü. Tenzükba wadang nung pai inyakba mapa tajungtem onoki mamatoktsü. Pa tanela tesünep nung anisüngzükdakjang aser Tsüngremi mangyimer kibong nem tashi aser tesünep agüjang ta sarasademtsür,” ta parnokisa metetdaktsü.