Phek District Chess Championship tenzükogo

Phek, November 05 (TYO): Nagaland MLA, Kuzholuzo Nienu-i 9 buba Phek District Chess Championship tetoktepba Phek Town Council Hall nung yashi, Hokolbar nü tenzüktsüogo.
“District jenjang nung chess tetoktepba takok ngua agiba atema Phek District Chess Association (PDCA) dang pelaba metetdaktsür. PDCA-i district den temaba jenjang nung toktepa shilem agitsüsa lanurtem ajungmesoa anitettsü ajungshir,” ta tetoktepba lapokba sentong nung tongti tesemdanger, Nienu-i metetdaktsü.
“Chess ya chubar asaya ka lir,” ta shia, iba asaya nung shilem agiba ajanga nisung ka temang junga aliba den tokolok aser shisatsü nung terenlok lidaktsüba olen ka paisa shisem.