Phek District Level Assessment Camp katsüogo

Dimapur, Monupii/May 21 (TYO): EBRC Conference Hall Phek nung May 21, 2019 Mongolbarnü Children With Special Needs (CWSN) atema District Level Assessment Camp sentong ayongzükja liasü.
Iba camp sentong ya DMA (SSA) Samagra Shiksha Abhiyan-i SMA Kohima/NRRC Dimapur aser Star Key New Delhi na den longjema ayongzüka liasü.
Sentong nung Dy. Mission Director, IESMA in-charge, Talitemsu Jamir-i iba ama maongka tajung ya agizüktsü, ajiasünungang matamabensar tanurtem tekümzükba jenjang nung alitsü, ta sentong nung adenertem ayongzüka liasü.
SSA Chairman, Shevozo Nienu sentong lennir liasü aser paia, sorkari agütsüba maongkatem pelashishia agizüktsü asoshi tanurtem ayongzüka liasü.
Iba assessement camp sentong nung shisalen sayurji Star Key New Delhi (Hearing) Dr. Vinay Bushan, NRRC Dimapur (ORTHO) Dr. Wati Jamir, SMA, SSA Technician, Manen Jamir, aser District Hospital, Phek Ophthalmic Assistant, Kuhusalu nunger liasü.