Phek District nung Pension Scheme agütsütsü

Phek, Luroi/August 02, 2019 (TYO): DWO Office, Phek nung August 06 nungi tenzüka October 31, 2019 nü tashi office lapoka aliba mapang Sub-Division telemsa nung State aser NSAP kübok Pension Scheme balala indang sen agütsütsü, ta Phek CDPO, Meshusayi Tetseo-i metetdaktsü.
Anungji, Yimtsüng/Jila nung Chairman-i Payment book aser Register of Beneficiary den külemi Yimtsüng aser Jila nungi Pension Scheme bendentsü asoshi metetdaktsür. Agüja aliba anogo tashi nung shia aliba ama meinyakra sen mangutsü.
Tentative payment mapang yamai alitsü: Chozuba- August 6 nungi August 13, 2019; Pfutsero- August 19 nungi August 23, 2019; Chizami- August 26 nungi August 30, 2019; Meluri – September 3 nungi September 7, 2019 aser Phek – September 9 nungi September 13, 2019.