Phek district nung World Toilet Day ayonga among

Yimpoksüi/November 19, 2018 nü Phek District nung “When Nature calls” omen nung ajemdaker World Toilet Day ayongzüka amongba sentong nung PHED staff tem aser kaketshirtem külemi tangokba noksa nung angur.

Phek, Yimpoksüi/November 19 (TYO): Linük tesem ajak den liromedena tanü Phek District nunga “When Nature calls” omen nung ajemdaker World Toilet Day ayongzüka mongogo, ta ketdangsertem osang ka ajanga metetdaktsü.
Iba anogomong sentong ya Government High School, Losami-i ayongzük aser WSSO, PHED, Nagaland-i sponsor süa liasü.
Mesete G/T leniba nung iba sentong agi aser Rukewe, GT-i sarasadema liasü.
Iba omen nung ajemdaker jembidang Sanitation & Hygiene Consultant, PHED, Phek, Virhelie Kruneilie-i metsümeshidak alitsüji kanga tongtibang aser metsümeshidak amshiyim indang metetdaktsü.
Paisa Sustainable Development Goal-6 (SDG-6) indang metetdakja liasü.
Pai kaketshirtem dang Open Defecation Free (ODF) indang metetdakja iba osang prokba nung kaketshir shiai ambassador ama inyaktsü ayongzüka liasü.