Phek-i Dr. T. Ao Trophy kokogo

Dimapur, Tsüklai/February 2 (Agencies): XXth Inter District Football Championship 2019 final asaya nung Phek District-i goal 2-1 agi Kohima District madak takok nguogo. Asayamung tatembangbuba sentong ya February 2 nü IG Stadium, Kohima nung agi, kong Advisor for DUDA, N. Bongkhao Konyak, alakteta jaoker ka ama aru shilem agi.
Bongkhao-i ashiba agi, saisapong balala dak alima melenshitsü, nisung longjemdaktsütsü aser ajungmesotsü asoshi tashi lir aser Naga nunger lanurtem saisapong balala nung teti shilem ka asütsü. Paisa, iba asayamung ajanga district ajak nungi nüburtem longjemdaktsüba atema Youth Resources and Sports department tenüng asang. Maneni pai asayartem dang nüngtugu asayar Dr. T. Ao tsüngsü nung anidaka pei profession nung takok ngua aotsü ajungshi.
Kasa mapang nung asayamung akoker nem senpet sen lakh 3 aser tanabuba jenjang nung takok angurnem senpet sen lakh 2 agütsü. Iba dak alia jurila senpet balala agüja liasü. Inter-district Championship koba dang Dr. T Ao trophy ta ajar iba ya Dr. T. Ao sor küm 100 ajungba nüngtem nung ayongzüka asayaogo, ta sorkar sangdong ka ajanga metetdaktsü.

Kijai sempet angurtem yamai :
* Best Goalkeeper – Imtikumsuk of Tuensang DFA
* Best Defeder – Kevizapu Lhoungu of Kohima DFA
* Best Midfielder – Vekhruto Resu of FA Phek
* Best Forward – Punürü Nienu of FA Phek
* Highest Scorer – Kezhose Khizho of Kohima and Suponglemba of Mokokchung DFA for scoring 5 goals each
* Player of the Tournament – Kekhrieletuo Tsira of Kohima DFA